پاکستان کے کپتان صاحبزادہ فرحان اور سری لنکا کے کپتان کوشال مینڈس نے سیدپور ولیج میں پاکستان اور سری لنکا کے درمیان ٹی ٹوئنٹی سیریز کی ٹرافی کی رونمائی کر دی۔ پاکستان اور سری لنکا کے درمیان تین میچز پر مشتمل سیریز کا آغاز ۹ اکتوبر کو راولپنڈی کرکٹ اسٹیڈیم سے کیا جائے گا۔ تمام میچز شام ۶ بجے شروع ہوں گے جبکہ ٹاس ۵ بجکر ۳۰ منٹ پر کیا جائے گا۔ پاکستان کرکٹ بورڈ نے پاکستان اور سری لنکا کے درمیان ۳ میچز پر مشتمل ٹی ٹوئنٹی سیریز کے لیے کمنٹری پینل کا بھی اعلان کر دیا۔ پینل میں سابق کپتان سلمان بٹ، سابق کرکٹرز عروج ممتاز، عامر سہیل اور بازد خان شامل ہیں۔ زینب عباس سیریز کے دوران پریزنٹر کے فرائض انجام دیں گی۔ پاکستان اور سری لنکا کے درمیان پہلا ٹی ٹوئنٹی میچ ۹ اکتوبر کو جبکہ دوسرا اور تیسرا میچ ۱۱ اور ۱۳ اکتوبر کو راولپنڈی کرکٹ اسٹیڈیم میں ہوں گے۔
News Source: Express News