واٹس ایپ کی مرکزی اسکرین میں نئی اپ ڈیٹ آ رہی ہے

واٹس ایپ اپنے اینڈرائیڈ ایپ میں کانٹیکٹس کا ایک مخصوص ٹیب ٹیسٹ کر رہا ہے، جس سے صارفین کے لیے لوگوں کو دیکھنا، آن لائن افراد کی نشاندہی کرنا اور سالگرہ کی یاد دہانیاں حاصل کرنا آسان ہو جائے گا۔ یہ فیچر فی الحال گوگل پلے اسٹور پر واٹس ایپ کے تازہ ترین اینڈرائیڈ بیٹا ورژن میں دستیاب ہے۔ یہ ابھی تیاری کے مرحلے میں ہے اور تمام صارفین کے لیے جاری نہیں کیا گیا ہے۔ نیا کانٹیکٹس ٹیب نیا کانٹیکٹس سیکشن واٹس ایپ کی نچلی نیویگیشن بار میں براہ راست ظاہر ہوتا ہے۔ یہ کانٹیکٹس کی فہرست دکھاتا ہے اور ایک سبز نقطے کے ذریعے نشاندہی کرتا ہے کہ کون سے لوگ اس وقت آن لائن ہیں۔ جن صارفین نے اپنا لاسٹ سین یا آن لائن اسٹیٹس بند کر رکھا ہے، وہ آن لائن نظر نہیں آئیں گے۔ سالگرہ کی یاد دہانی واٹس ایپ کانٹیکٹس ٹیب میں سالگرہ کی معلومات بھی شامل کر رہا ہے۔ اگر کسی کانٹیکٹ کی سالگرہ اس دن ہوگی تو واٹس ایپ کیک کے ایموجی کے ساتھ "برتھ ڈے ٹوڈے" کا لیبل دکھائے گا۔ سالگرہ کی یہ معلومات صارف کے فون میں محفوظ کانٹیکٹس سے خود بخود حاصل کی جائیں گی۔ سرچ اور ترتیب سب سے اوپر موجود سرچ بار کے ذریعے صارفین نام، فون نمبر یا یوزر نیم کا استعمال کرتے ہوئے کانٹیکٹس تلاش کر سکتے ہیں۔ کانٹیکٹ لسٹ کو حروفِ تہجی کے اعتبار سے یا آن لائن سرگرمی کے حساب سے ترتیب دیا جا سکتا ہے، جس میں آن لائن موجود افراد سب سے اوپر دکھائی دیں گے۔ اس ٹیب میں ان لوگوں کو بھی واٹس ایپ پر آنے کی دعوت دینے کا آپشن موجود ہے جو ابھی واٹس ایپ استعمال نہیں کر رہے ہیں۔ فی الحال یہ فیچر صرف بیٹا ٹیسٹرز تک محدود ہے اور واٹس ایپ نے ابھی یہ نہیں بتایا کہ اسے تمام اینڈرائیڈ صارفین کے لیے کب جاری کیا جائے گا۔

News Source: Express News