پاکستانی اسپنر ابرار احمد آئی سی سی ٹی 20 انٹرنیشنل باولنگ رینکنگ میں اپنی پہلی پوزیشن برقرار نہ رکھ سکے اور افغانستان کے راشد خان ایک بار پھر سرفہرست آگئے۔ ابرار احمد نے 23 ستمبر کو راشد خان کو پیچھے چھوڑ کر پہلی پوزیشن حاصل کی تھی، تاہم جاپان میں ایشین گیمز کے اختتام پر وہ ایک درجے نیچے چلے گئے۔ ابرار احمد نے ایشین گیمز کے 2 میچز میں صرف ایک وکٹ حاصل کی تھی۔ راشد خان 720 ریٹنگ پوائنٹس کے ساتھ پہلے جبکہ ابرار احمد 718 پوائنٹس کے ساتھ دوسرے نمبر پر موجود ہیں اور دونوں کے درمیان صرف 2 پوائنٹس کا فرق ہے۔ پاکستان کے محمد نواز 4 درجے تنزلی کے بعد 12ویں اور سلمان مرزا 7 درجے نیچے آکر 23ویں نمبر پر چلے گئے۔ بھارت کے اکشر پٹیل 16 درجے ترقی پا کر ساتویں، بنگلادیش کے نسوم احمد آٹھویں اور مہدی حسن 10 درجے بہتری کے بعد نویں نمبر پر پہنچ گئے۔ ٹی 20 بیٹنگ رینکنگ میں بھارت کے کپتان شریاس ایئر پہلی بار ٹاپ 10 میں شامل ہوکر 18 درجے ترقی کے ساتھ ساتویں نمبر پر آگئے، جبکہ ویسٹ انڈیز کے شیرفین ردرفورڈ 10 درجے بہتری پا کر 37ویں نمبر پر پہنچ گئے۔
News Source: Express News