عریبین گلف کپ ستائیس کے فائنل میں سعودی عرب اور متحدہ عرب امارات مدمقابل ہوں گے۔ دونوں ٹیموں نے ہفتے کو جدہ میں سنسنی خیز سیمی فائنلز جیت کر فائنل میں جگہ بنائی۔ متحدہ عرب امارات نے عمان کو ایک صفر سے شکست دی۔ میچ کا واحد گول عثمانے کامارا نے بائیسویں منٹ میں ہیڈر کے ذریعے کیا۔ اس کامیابی کے ساتھ یو اے ای نے اٹھارہ سو اٹھارہ کے بعد پہلی بار گلف کپ کے فائنل میں رسائی حاصل کی۔ دوسرے سیمی فائنل میں سعودی عرب اور قطر کا میچ ایک سو بیس منٹ تک بغیر کسی گول کے برابر رہا جس کے بعد پنالٹی شوٹ آوٹ میں سعودی عرب نے قطر کو تین دو سے شکست دی۔ گول کیپر محمد العویس نے اہم سیو کیے جبکہ مختار علی نے فیصلہ کن پنالٹی اسکور کی۔ فائنل چھ اکتوبر کو جدہ کے کنگ عبداللہ اسپورٹس سٹی کے اسٹیڈیم میں کھیلا جائے گا۔ دونوں ٹیمیں طویل عرصے بعد گلف کپ کا ٹائٹل جیتنے کی کوشش کریں گی جبکہ یو اے ای نے آخری بار تیرہ اور سعودی عرب نے چار میں یہ ٹرافی اپنے نام کی تھی۔
News Source: Express News