ایشین گیمز ہاکی: بھارت نے پاکستان کو شکست دے کر فائنل میں جگہ بنا لی

جاپان کے شہر ناگویا میں جاری ایشین گیمز کے ہاکی ایونٹ کے پہلے سیمی فائنل میں بھارت نے پاکستان کے خلاف تین کے مقابلے میں چار گول سے کامیابی حاصل کرکے فائنل کے لیے کوالیفائی کر لیا۔ بھارت نے میچ کے آغاز میں تین صفر کی برتری حاصل کی، تاہم پاکستان نے شاندار کم بیک کرتے ہوئے مقابلہ تین تین گول سے برابر کر دیا۔ کھیل کے آخری لمحات میں بھارت نے فیصلہ کن گول کر کے چار تین کی برتری حاصل کر کے میچ جیت لیا۔ بھارت کی طرف سے ہرمن پریت سنگھ نے دو جبکہ سکھ جیت سنگھ اور ابھیشک نے ایک ایک گول کیا۔ پاکستان کی جانب سے ابوبکر محمود، حنان شاہد اور رانا وحید نے گول اسکور کیے۔ ہاکی ایونٹ کا دوسرا سیمی فائنل ملائیشیا اور کوریا کے درمیان کھیلا جائے گا۔

News Source: Express News