کوٹلی: شرپسند عناصر کی فائرنگ سے پولیس اہلکار شدید زخمی

آزاد کشمیر کے ضلع کوٹلی کے علاقے کالا ڈھاب میں شرپسند جتھے کی فائرنگ سے پولیس کانسٹیبل عبدالروف شدید زخمی ہو گئے۔ بتایا گیا ہے کہ فسادی عناصر نے راستے بند کر رکھے تھے جس پر شہریوں کی مشکلات کے ازالے اور ٹریفک بحال کرانے کے لیے پولیس نے کارروائی کی۔ اس دوران مسلح افراد نے پولیس اہلکاروں پر فائرنگ کر دی جس کے نتیجے میں کانسٹیبل عبدالروف گولی لگنے سے شدید زخمی ہو گئے۔ زخمی کانسٹیبل کو فوری طور پر ڈی ایچ کیو ہسپتال میرپور منتقل کر دیا گیا ہے جہاں ان کا علاج جاری ہے۔ یہ واقعہ مذکورہ جتھے کے پرامن ہونے کے دعووں کی نفی اور اس کے پرتشدد طرز عمل کا کھلا ثبوت ہے۔

News Source: Express News